2009

هانت كلها كام يوم ونقول:

ا2009 خلصت...اخيييييراااااااااااااااا

كانت طويله رغم انها عدت بسرعه ;) ...فترة طويله منها كانت حزينه...وفترة اطول كانت نقاهة..

زمان كنت كل ما افتكر حدث كان حزين حتي لو عدي عليه وقت عيني تتملي دموع ويومي يبوظ...انهارده لما بفتكر الحاجات دي بضحك..نضوج أو تبلد مشاعر مش عارفة بس المهم أنه حصل...حتي لو كان ده كل اللي طلعت بيه من 2009 فأنا مبسوطة ...

بس في حاجات تانيه حصلت حلوة ف2009 غير تخطي الحزن..

مثلا اني:
- غيرت الشركه اللي بشتغل فيها ومبسوطة فشركتي الجديدة...واتنقلت جواها من مكان لاحسن فظرف شهور..

-عملت صداقات جديدة مؤثرة جدا فحياتي..

-بدأت المدونة دي علشان تكون مختلفه عن اللي قبلها...ولو ان ده لسه محصلش بالظبط بس أكيد هايحصل ما دمت أنا بتغير..

-اتعلمت أعبر عن امتناني وشكري للناس اللي يستحقوا ده..وقبل كده مكنتش بعرف وكنت مقله فالتعبير عن مشاعري لاهلي واصحابي..
اكيد مش بس كده بس هو ده اللي فبالي دلوقتي وعلشان كده البوست ده عرضه للتحديث ..لما افتكر حاجات تانيه يعني..