2014

السنة بتخلص خلاص..2014 بدأت عندي بهاجس قوي اني مش هاكملها و مش هاوصل ل 2015..اني هاموت في خلال السنة وانا معملتش اي حاجة مختلفة عن ال 27  سنة اللي قبلها..السنة بتخلص وانا لسه هنا ( لسه مخلصتش تماما و لسه في فرصة لتحقق الهواجس)ا

بعيدا عن الهواجس و التشاؤم و الجو ده 2014 اختلفت عن اللي قبلها فعلا فيها جبت العربية و اتعلمت السواقة ..فيها حققت هدف كنت طالعة بيه من 2013 فيها شفتّت الكاريير و بدأت خطوة في طريق جديد ان شاء الله انجح فيه..فيها سافرت وشفت اماكن جديدة حتى لو كانت جوه مصر مش براها زي ما كنت اتمني بس اهي خطوة..فيها عرفت ناس جديدة فرقت في نظرتي للحياة و اتمني يفضلوا هنا في المستقبل..علشان كده و علشان حاجات تانية ممكن معرفش افتكرها قوي دلوقتي انا بقول ل 2014 شكرا.. رغم انك كنتي صعبة و احنا عايشينك بس  مطلعتيش وحشة قوي في الاخر :)ا 

خوف

 تستهويك البدايات..تعدك بالاستمرار و السعادة..تريد ان تطمئنك لكن ما ان تخطين اول خطوة  بعد خط البداية يعاودك خوفك القديم و ترغبين في الجري..الرغبة الأزلية في الهرب ..و عندما تدركين انك لا تملكين ما يكفي من الطاقة لذلك ترغبين في الاختفاء..تتقوقعين بداخل كهفك المظلم و تبدأين في الدعاء..ا

28

"إنني أكبر، وأتخيل أحياناً أن حياتي -كل حياتي- مشهد قصير في فيلم طويل، تعرضه صالة عرض شبه خالية، ويشاهده إنسان وحيد مرة ثم يمضي عنه"*

* ليلي الجهني : في معني ان اكبر

***                                          

لازلت تتدحرجين ايتها الحياة..و لازلت لا اتبعك..لم اتبعك يوما..و اخاف الا افعل يوما..

* ميشو بتصرف 

توثيق

"لازالت روحي بها بعض اهتراء...لم يعد واضحا صارخا كما كان من قبل لكنه لم يُرتق بالكامل ايضا...لازلت ابكي في بعض الايام بلا سبب يذكر و لازالت ابسط الكلمات قادرة علي ان تثير لدي ذكريات اعتقدت ان جرحها قد برئ منذ زمن...ولازلت اغطي علي شعوري  بالوحدة  بالصخب الشديد.."

* الكلام ده لقيته صدفة وانا بقلب في الحاجات اللي كنت كاتباها من سنين..الغريب اني مش فاكرة المرحلة دي بدأت امتى..بس الموجع انها لازالت مستمرة والكلام لسه ينطبق عليا لغاية دلوقتي

The truth..

Build as many walls as you want..
Wear as many masks as you'd like..
You may cover it for a while but you'll never change the truth..
Deny it...keep denying maybe you will believe yourself one day.

سو كيووت

فجأة وزي أفلام الكارتون بتنور فوق دماغي لمبة مكتوب فيها

"you are not nice"

 ده في حد ذاته مش اكتشاف خطير خالص.. إطلاقًا.. أنا أصلًا بذلت مجهود خرافي عشان أبقى" شريرة".. عشان أتعلّم أرد على كل حاجة حد يقولها وتضايقني، بدل ما أقعد أحرق في دمي وأفكر إني كان لازم أقول كذا وكذا وكذا.. كمان أنا كنت في كامل قوايا العقلية وأنا ببعد بعض الناس عني وببعد نفسي عنهم، عشان أحافظ لنفسي على أي مخزون طاقة فاضل، بعد اللي بيُستنزف غصب عننا في الحياة اليومية، أعمل بيه حاجة مفيدة.. أصل العلاقات مع الناس أكتر حاجة بتسحب من بطاريات الروح على فكرة.

المهم بقى وأنا بتفرج على:

(My best friend's wedding)

في آخر الفيلم لما البطل اختار(كاميرون دييز) رغم إنه كان بيحب

 (جوليا روبيرتس) من سنين ومن قبل ما يعرف كاميرون أصلًا، نورت اللمبة في دماغي. أنا عارفة إن معظم الرجالة لو اتحطوا في المكان ده هيختاروا كاميرون، مش بس عشان جمالها أوضح من جمال جوليا، لا علشان هي

"nice وcute"

السؤال بقي: إيه هي ضوابط اللطف؟ يعني إيه اللي يخلي اللي تسامح حد حاول يخرب حياتها، أحسن من اللي ترفض وجود الحد ده في حياتها! ويسحب بقى طاقتها ويغرّقها طاقة سلبية؟ إيه اللي يخلي واحدة بتعمل كل اللي زمايلها في الشغل بيرموه عليها من مهام متخصّهاش، وهمّ كسلانين أو مستكبرين يعملوها، أحسن من اللي بتحط حدود وتجبر الناس تحترمها؟ إيه اللي يخلي واحدة مبتطالبش بحقها في أي حاجة وبتستني لحد ما حد تاني يجيبهولها، أحسن من المبادرة اللي مبتسمحش لحد يهدر حقوقها؟

كل دول بيتقال عليهم لطاف، على عكس التانيين اللي بيتكرهوا وبيتقال عليهم متعجرفين وشايفين نفسهم وظالمين أحيانًا. أنا مش عايزة أكون "بنت لطيفة"، لو تعريف اللطف ده إني أتحطّ في أي مكان وميبقاش ليّ أي تأثير ولا آخد اللي شايفاه حقي.

بس برضو بحس بالظلم لما بلاقي نفسي -قبل الناس- حاطاني في قالب الشريرة، أنا بقول دايمًا إني معنديش مشكلة إطلاقًا ألعب دورالـ 

"bad guy "

لو ده اللي هيجيبلي حقي، بس ليه أصلًا معرفش آخد حقي غير كده؟! ليه الناس التانية متراعيش حقوق غيرها من غير ما تدفعهم إنهم يستخدموا ضوافرهم وأنيابهم عشان يحسوا بالإنصاف؟ هو ممكن يُعتبر إنصاف لو خدته بالعافية؟ 

أسئلة وجودية معتقدش هيكون لها إجابة للأسف، بس لو رجعنا للفيلم وقررت أختار شخصية من الاتنين، فأنا هختار جوليا، أصلها هي اللي كسبت في الآخر برضو.. آه خسرت حب عمرها، بس التانية خسرت دراستها ومسستقبلها المهني واختياراتها كلها تقريبًا..

"she is nice"

بس ده مكسّبهاش غير راجل هيفضل يحبها طول ما هي مطيعة ولطيفة ورهن إيديه.. في نفس الوقت في جزء جوايا وناس كتير، بيقولوا إني لو كان الاختيار بإيدي كنت هختار أكون كاميرون، عشان أحس إني اختيار حد..العقدة الازلية  

To be someone's first choice..

 ممممم.. مش عارفة، وهرجع تاني للأسئلة الوجودية، اللي من عيّنة: وليه ميختارنيش وأنا قوية وعارفة حقوقي وبحاول آخدها لنفسي؟

http://www.nooun.net/article/953/

Vulnerability

كل الاشياء تؤلمني هذه الايام...ا

***

يتحدثون دوما عن دفء حضن الام...لا اتذكره بل اكاد اجزم اني لم اجربه يوما..تخبرني مرة اثناء شجار لنا اني انا من اختلفت عن اخواتي ..اني يوما لم اطلب منها ان تحتضني و اني لم اضع راسي فوق ساقها يوما وابدا لم اطلب منها اللعب في شعري حتى يغلبني النوم...و اتسائل هل مثل هذه الاشياء يطلب؟؟!ا

***

اخبر صديقي عن الالم الناتج عن امنية يفترض بها ان تكون بسيطة..امنية ببساطة ان يهتم بي احدهم.. يسعى لمعرفتي حقا ..ان اسقط في الحب.. يتألم صديقي لألمي فلا اخبره بباقي الامنيات..ا

***

اذكر حوار بيني و بين احداهن كانت تخبرني فيه ان الواقع يختلف عن الافلام الرومانسية و ان الحب الموجود بالروايات قتله الواقع منذ قديم الازل...و ان زوجها - ذلك الذي لاحقها كثيرا- لم يعد يراها بعد الزواج و كم ان هذا يؤلمها بعد ان كانت محل رغبة الكثيرون...اخبرها اني اعرف عن الواقع اكثر مما رغبت يوما ان اعرف.. و اتسائل ايهم اكثر ايلاماً ان تفتقد الاهتمام بعد ان ذقت حلاوته ام ان تشاهده يحدث للاخرين حولك دوما دون ان  تناله ابداً...ا

*** 

احمد الله كثيرا علي نعمة الاصدقاء..ا

***

انا اثنان...احدنا قوية لا تحتاج احد ..دائما تخبر نفسها ان

(I am all what I need) 

و الاخري ... يكسرها كل شئ وتحتاج الجميع...ا

***

Me:I need to run a way

The other me: you need to face your demons..to kill them

Me:How?

The other me: Hmm...I don't know

Me:I thought so!!

The other me: ...

Me: I need to run a way