أول بوست فمدونتي الجديدة..ولأني دايما بخاف البدايات قد ما بكره النهايات..اترددت كتير قبل ما اعمله..بس كل حاجه لازم تبتدي علشان تكون..علشان كده هابدأ بــ " ليه؟ "
ليه عملت المدونه دي بعد ماقفلت "لحظات" ؟ وليه قفلت "لحظات" اصلا؟
زهقت من أن مدونتي بقت كلها اقتباسات من كتب وروايات ولحظات كتير عدي وقتها..ا
قلت كفايه بقي عيش في الماضي وكفايه احلام ببكره اللي دايما بيكون مرتبط برجوع الماضي..ا
حبيت أدور علي انهارده واعيشه (حتي النخاع) زي ما بيقولوا..الجانب المتشائم جوايا _ وهو المسيطر أغلب الوقت_ بيقولي أني مش هاقدر...ببساطه لأن دي مش طبيعتي..وأن الموضوع مش هايتحل بمدونة.. ا
عارفة بس أنا عملت المدونة دي يمكن أقدر أكتب فيها من جوايا مش بس أنقل جمل حد تاني كتبها وحسيتها.. يعني هو ليه أصلا الناس التانيه تعرف توصف احساسي أكتر مني... ا
يبقي بصراحه ووضوح..نفسي أعرف احس تاني زي الاول..ا
ليه عملت المدونه دي بعد ماقفلت "لحظات" ؟ وليه قفلت "لحظات" اصلا؟
زهقت من أن مدونتي بقت كلها اقتباسات من كتب وروايات ولحظات كتير عدي وقتها..ا
قلت كفايه بقي عيش في الماضي وكفايه احلام ببكره اللي دايما بيكون مرتبط برجوع الماضي..ا
حبيت أدور علي انهارده واعيشه (حتي النخاع) زي ما بيقولوا..الجانب المتشائم جوايا _ وهو المسيطر أغلب الوقت_ بيقولي أني مش هاقدر...ببساطه لأن دي مش طبيعتي..وأن الموضوع مش هايتحل بمدونة.. ا
عارفة بس أنا عملت المدونة دي يمكن أقدر أكتب فيها من جوايا مش بس أنقل جمل حد تاني كتبها وحسيتها.. يعني هو ليه أصلا الناس التانيه تعرف توصف احساسي أكتر مني... ا
يبقي بصراحه ووضوح..نفسي أعرف احس تاني زي الاول..ا
(دي امنيتي للسنه الجديده)
عمري ما فكرت كده ومش مصدقه نفسي أني كتبتها..ا
هانسي؟
عارفة
علشان كده كتبتها هنا...ا
هانسي؟
عارفة
علشان كده كتبتها هنا...ا
ا2010 هاتكون سنه الحاضر
تناقض فظيع بين ربط الحاضر بحلم بسنة لسه مجتش بس معلش..خطوة خطوة..ا
وزي ما صاحبتي دايما بتقوللي "بكرة أحلي " رغم أني كتير مببقاش شايفة ده بس جوايا عارفة أنه أكيد أحلي..ربنا شايللي الحلو لحد ما أعرف أقدره..ساعتها هايديهولي كله..لأنه عارف بعلمه الألهي أني ساعتها بس هاعرف أكون مبسوطه بيه...ا
وزي ما صاحبتي دايما بتقوللي "بكرة أحلي " رغم أني كتير مببقاش شايفة ده بس جوايا عارفة أنه أكيد أحلي..ربنا شايللي الحلو لحد ما أعرف أقدره..ساعتها هايديهولي كله..لأنه عارف بعلمه الألهي أني ساعتها بس هاعرف أكون مبسوطه بيه...ا
10 comments:
هو دا الكلام
انا معجبة جدا ,,, جدا جدا
وبتمنالك تقدري فعلا تعملي دا
شكرا
مبسوطه انك صاحبه اول تعليق
وأنا صاحب تاني تعليق
سأنتظر ذلك .. وأتمناه دااائمًا
رغم إني كانت عجباني لحظات
ونترقب
منور:)
انا كمان كانت عجباني..يمكن ارجعها قدام شويه ويمكن اتخطاها وانساها وتنساني..
شكرا للمرور..وللتمني..
عاااااااااااااااااااااا
طب انا معلقتش أول واحدة ليه
:((((
بتقولى اعيش الحاضر حتى النخاع...وبعدين بكرة احلى....احسن تقولى انهاردة..دلوقتى حلو وبعد شويه احلى..ادخولى المود بأهه..وشدينى معاكى:)
ايه..
دي غلطتك رغم انك عرفتي بالمدونه قبلهم
بس مش هانسي ابدا تعليقك المباشر اول باول
والمساعادات فالصورة وكده:*
ريم..
تعالي نروح سوا
واللي تريح مننا التانيه تشدها...
بكره احلي لاني شايفه انهارده احلي..ومفيش مانع ان امبارح كمان يبقي احلي ؛)
لا أراكي أغلقتي "لحظات" بقدر ما أنك غيرتي نظرتك إليها وحسناً تفعلين.. فحياتنا نعيشها على طول خط الزمن لا نتقصى صورتها لدى الآخرين.. تعجبنى التدوينة والنية والفعل ولا أجد تناقضا فيما يخص ما اصطلحنا على تسميته بالمستقبل وما هو إلا نقطة لم نصل إليها بعد وما يهم فيها هو قرارنا بشأنها اليوم لا إنتظارنا لها غدا.
دامت أيامك حاضراً ألقاً ما مضى منها وما يأتي.. وما لحظتنا إلا هذا المزيج.
مين صاحبتك دي؟ غمزة
مين صاحبة المدونة دي أصلا؟
طب والله دورت في الصفحة على
about me
علشان اتأكد
المدونة شكلها جميل والتدوينة عجبتني
2010 is about to begin
did u make it ???
wish that u've done
:)
Peace
Post a Comment