"إنني أكبر ، وتكبر معي أشياء كثيرة أولها : الألم . كلما كبرت صار الألم أكبر ، وأبطأ رحيلاً !
ظننت مرات أني موعودة بالألم ، وحاولت أن أفهم لم كان علي أن أكبر في ظله ، لكنني أدركت فيما بعد أن الألم شرط إنساني ، وأن مامن إنسان إلا وهو مخلوق في كبد ، وسينال حظه من الألم ، كبر ـ ذلك النصيب ـ أم صغر ، وأن حظي ـ ياللأسى ـ سيكون دائمًا كبيرًا..."
***
“إنني أكبر ، ويوجعني أن أتساءل طوال الوقت :أين تذهب أيامنا الجميلة؟ كيف تبدأ ؟ وكيف تجف كأن لم تَغْنَ بالأمس ؟ وكيف يمضي الحنين إذ يعيدني إليها ولايعيدها إلي ؟ أحيانًا أمدُ يدي ـ في غمرة انفعالي ـ فأتحسسني كي أصدق أني ما زلتُ هنا ، حتى وإن ذهبت أيامي الجميلة ، وأفكر في أن أيامًا جميلة أخرى ستأتي ـ ربما ـ وستذهب دوني ، وأنها ستظلُ دائمًا شيئًا قريبًا بقدر ماهو عصٌي على إدراكي مهما حاولتُ ; فأتألم”
***
"إنني أكبر، وأتخيل أحياناً أن حياتي -كل حياتي- مشهد قصير في فيلم طويل، تعرضه صالة عرض شبه خالية، ويشاهده إنسان وحيد مرة ثم يمضي عنه"
***
"إنني اكبر وأزداد مرضاً بخصوصيتي ، لم أعد أطيق أن أٌقتحم بفجاجة ولأسباب أشد فجاجة ."
***
"نحن لا نبذل مجهوداً كى نبلغ عمراً ما، بل نبلغه لأننا نبلغه وهذا هو ما يحدث، لكننا مسؤولون عن أن نبلغه بما يليق به، أو على الأقل بذخيرة تليق به، فهل ما أملك من الذخيرة ما يكفى؟ هل شبعت من حياتى؟ هل فهمت تعقيدها وحساسيتى إزاء هذا التعقيد؟ اننى أكبر، لكن هل نضجت بالقدر الذى يستحقه عمرى؟ لا أدرى، كل ما أعرفه الآن أنها حياتى ، وذاك ما حدث"
***
"أن نموت لا يعني أبدًا ألا نبقى، وفي الوقت نفسه، فأن نبقى لا يعني أبدًا أن نكون موجودين."
***
"إنني أكبر ، وسأؤول إلى موت بطيء ، سأتحلل رويدا رويدا ، إن واظبت على العيش أكثر"
*****
العنوان و كل ما سبق مقطتفات من كتاب في معني ان اكبر ل ليلي الجهني
لتحميل الكتاب
(في معنى أن أكبر)
ملحوظة
التدوينة دي بمناسبة اني كملت ال ربع قرن انهارده...بقي عندي 25 سنة رقم مخيف مش كده؟
ملحوظة
التدوينة دي بمناسبة اني كملت ال ربع قرن انهارده...بقي عندي 25 سنة رقم مخيف مش كده؟
يلا اهي كلها ارقام و زي ما بيقولوا:
age is just a number
كده وكده وكاني مصدقة بقي :)
وكمان هاقول لي كل سنة وانا طيبة
7 comments:
طيب تصدقي مع إنك كتبتي قبل كده عن ومن الكتاب ده، بس مع كل سطر كنت بأقول لأ مش ممكن يكون اقتباس أكيد شروق هي اللي كاتبه الكلام ده، أصله شبهك/نا قوي :)
المهم كل 25 سنة وإنت شروق
على فكرة واضح إن كتير من المغمورات أسمائهم مش مجرد اسم دي صفة مميِّزة ليهم:)
وحشتني تدويناتك وقصصك .. اكتبي بقى
مروة
منورة كعادتك...ووحشتيني جدا كمان بقالي كتير مشفتكيش :)
عارفة انا كمان وانا بقرا الكتاب ده كنت مبهورة..كنت حاساها بتتجسس علي جوايا..وقفت كتير في النص وانتقلت من اجزاء لاجزاء تانية فجأة وكاني عايزة اتوههاو بعدين قلت مفيش فايدة بقي و قعدت اسال نفسي "ازاي عرفت توصف ده كده؟" ويا تري هي حاساه فعلا ولا ده خيال كاتبة ولو خيال ياتري تخيلت انه ممكن يكون حقيقي كده فعلا عند ناس تانين؟
بس في الاخرلقيتني بقول هي حتى لو حست بيه فده حصل في الاربعين وان احنا سبقناها بكتييير وللحظة حسيت بالانجاز...فكرة اني سبقت حد لحاجة يعني وبعدين برضو افتكرت ان التيه والهشاشة مش حاجة نفرح فيها بالسبق فقعدت بقي انقل الجمل اللي حسيتها شبهي قوي وحطيتها هنا بقي من باب مواساة الذات اني مش لوحدي يعني...
لما وصلت لنهاية البوست ايقنت اني اشتركت بطريقة ما في كتابة اجزاء منه ولو بطريقة (غير عادية)..!!
الكتاب ها اقراءه ان شاء الله وبجد شكرا لانك عرضت حاجة حلوة كده :)
بمناسبة انك كملت 25 سنة..
طبعا كل سنة وانت طيبة..
انا كنت زيك متخيل ان الرقم ده كبير..
وبعد شوية اكتشفت انه فيه ارقام اكبر..
اللي اكتشفته مؤخرا بقى انه الارقام كلها مراحل في حياتنا..
المهم نكون مستعدين لكل مرحلة وكاننا بنعيش كل لحظة فيها باختلاف جديد :)
Timo
مفهمتش التعليق الاول قصدك تقول انك مشترك معانا في حاجات من اللي مكتوبة؟
بالنسبة للتعليق التاني بقي
فاولا :
وانت طيب
ثانيا:
تقريبا هو ده سبب الرهبة من الرقم
اني عارفه انه مرحلة جديدة بس في نفس الوقت مش حاسة اني عملت اي اختلاف
موصلتش لسه لمرحلة كان المفروض اكون وصلتلها او يمكن اكون انا هناك من قبل كده و علشان كده دلوقتي مش عارفة المفروض اعمل ايه
فاهمني؟
اكيد لا اذا كنت انا نفسي مش فاهماني اصلا
يلا ما علينا
ربنا يستر بقي واكون عقلت قبلت ما اكمل ال30 احسن ده رقم اكبر كتير
:)
كل ما الدنيا بتغلق ابوابهااكتر..
كل ما الحياة بتبقى اصعب اكتر..
ما تقلقيش..
لسه فيه لحظة حلوة....جاية.
ممكن تكون عند الـ30..
او الـ40..
او الـ50..
بس المهم..
انها جاية :)
اقري البوست ده :
http://wise-online.blogspot.com/2011/06/blog-post.html
طبعا قريته قبل كده وعجبني بس معرفتش اعلق وقلت اني لازم اشوف الفيلم الجامد ده بس نسيت
قريته تاني انهارده بس مش عارفة برضو اعلق وبرضو قلت اني لازم اشوف الفيلم ده
:)
Post a Comment