"بكرة" هابدأ اعمل تمارين حتى لو رسيت علي نص ساعه مشي
"بكرة" هاتعلم أكل
أكل صحي...او يعني علي الاقل احسن من العك اللي بعكه عموما حتى لو مش صحي قوي
" بكرة" هارجع احاول اكون اقرب ل ربنا
"بكرة" هارجع اذاكر
وامشي و را حلمي اني اشتغل في الترجمة من وانا عيلة صغيرة
"بكرة" هاقعد صح
علشان وجع ضهري ورجلي يخفوا
"بكرة" هاضحك اكتر
"بكرة" هابطل احط
مكياج او اعور في جلدي لما يكون فيه حبوب
"بكرة" هاعيش في
الواقع و اواجهه و ابطل اعيش برومانسية ساذجة جوه مسلسلاتي وافلامي المفضلة
"بكرة" هابقي احسن
---
انا مستنية "بكرة"
"بكرة" بيجي فعلا
كل يوم بس انا اللي بعمل نفسي مش شايفاه
وافضل مستنية اللي بعده
كل "بكرة" بيعدي زي
اللي قبله ومبعملش حاجة من اللي وعدت نفسي بيها
كل "بكرة" من دول
بيلاقيني في نفس مكاني بس اكبر بيوم من "بكرة" اللي قبله
No comments:
Post a Comment