هواجس المرحلة

هواجس المرحلة:

انا عايزة اكون زي البنات الكتير قوي دول اللي رغم انهم ملقوش الحب بسهولة لسه بيدوروا عليه ومستنينه ومؤمنين بيه

زي البنات اللي حتى لو قلبها اتكسر مرة صلحته و حبت تاني 

زي الناس اللي عارفة هيا عايزة ايه وبتسعي له 

زي الناس المبسوطين...او اللي معندهومش هوس السعادة علي الاقل
زي الناس اللي مبتصدقش نفسها ولا اي حد يقول انها متستاهلش او انها صغيرة قوي ( مكانة مش سناً ) 
زي الناس اللي بتحب نفسها..مقصدش مغرورين بس الانسان لازم يحب نفسه بدرجة معينة..او يقدرها علي الاقل

انا نفسي ارجع شروق بتاعة من حوالي 9 سنين فاتوا...مش بالظبط جانب بس منها كان بيحب وكان احيانا بيكون سعيد...