حاسة ان جوايا طاقة غضب مهولة
جوايا شرير
اسود
ومش قادرة اتنفس
بتكلم عادي واهزر واضحك وافكر اسافر واخطط لرحلة واشتري هدوم بس انا من جوايا حاسة اني بمثل وان كل ده مش حقيقي
مش عارفة اسباب ومعرفش ده هايخلص امتي وازاي
انا بس عارفه انه متعب قوي واني حتى معنديش طاقة للعياط علشان اخرج اللي جوايا زي ما كنت بعمل زمان
3 comments:
عارفاه ده
لما تبقى مفيش حاجة قادرة تحركك غير نقطة السواد اللي جوه اللي يمكن مالهاش سبب دلوقتي بالذات
حالة الحياة الـ عادي ، و من جوه بصة للدنيا و الناس و اللي بيحصل بتقولهم " جاتكوا القرف " ..
ألوان تانية هتيجي تحل محل الاسود ، بس دلوقتي مش هقدر اوعدك زي ما كنت بعمل زمان انها هتكون أحلى و أصفى و أروق
..
اللي عارفاه دلوقتي انها هتكون ألوان تانية و خلاص ..
و ان مجموع الالوان دي .. هي الحياة
و ان
life worth living
زي ما بيقولوا
:)
i don't believe that life worth living زي ما بيقولوا
وعارفه ان في الوان تانية هاتيجي وبتيجي
واحب اطمنك اني تخطيت مرحلة ان جملة "جتكوا القرف" تبقي في سري بس
بس اللي هايجنني التحول السريع من حالة للتانية يعني ساعات ابقي غضبانه ومش طايقة حد يدوس لي علي طرف خيال طرف و اعمل مواقف في الشغل واول ما اروح يبقي مودي حلو وجميل والعكس صحيح
اتخانق مع اختي خناقة للسما واعيط واصرخ زي المجانين وبعد خمس دقايق افتح التليفزيون واضحك من قلبي علي اللي بيحصل
بس اكتر حاجة مضايقاني اني مبقيتش راضية زي الاول
مش راضية بولا حاجة من اللي بتحصل لي
وحاسه اني هابدا ابقي حقودة لاول مرة في حياتي وخايفة قوي
well, pray to God.
عن تجربة...هيساعدك.
Post a Comment