Sunday, January 2, 2011

2010

طيب هو انا مش من عادتي اني اعمل تدوينة عن السنه لما تخلص او اعمل قايمة امنيات للسنة الجديدة لما تبدأ..
ولو  اني اتكلمت هنا عن 2010 قبل ما تبدأ واتمنيت انها تكون سنة تخطي الماضي ...اصلا مكنتش مصدقاني وانا بتمني ومكنتش مصدقه اني هاقدر احقق امنيتي فعلا بس الغريبة ان امنيتي اتحققت فعلا و احسن من ما تخيلت ومن غير مجهود كمان ..
السنه دي بقالي فترة بقول لصاحبتي اللي متعودة تحاسب كل سنة قبل ما تمشي  اننا عايزين نعمل تدوينة السنة الجديدة...هي مكسلة  تقريبا...وانا مش عارفة اتكلم عن ايه تحديدا...
2010 بالنسبة لي كانت سنة سريعة نسبيا حصل فيها تطورات كتيرة صغيرة ومؤثرة بس مش عارفة اتكلم عن حاجة منهم عارفين المواقف اللي بعد ما تخلص ويعدي عليها وقت ونيجي نفتكرها نلاقينا بنقول لنفسنا اننا مش فاهمين ايه اللي اثر فينا قوي ساعه الموقف ده سواء فرح او حزن..وازاي حاسين بالامتنان لموقف زي ده وحاسين اننا اتعلمنا منه حاجة مش عارفين نلمسها بالظبط اونحط ايدينا عليها؟...2010 بالنسبة لي كانت مليانة مواقف من دي...







3 comments:

Aya said...

U MADE MY DAY

و الله
:))

Shrouk said...

تسلمي والله
بس فين التدوينة بقي؟

هدى said...

يارب تكون سنة خير عليكي

وتملى قلبك فرح

كل سنة وانتي بخير