بحب الشتا بس بشرط اني اكون مستعدة..يعني طول ما انا متدفية احب البرد والمطر والهوا وكل حاجة...ونفسي مرة اقضي الشتا فمدينة ساحلية..انا وهدومي ولحافي التقيل... بحب اللبس الشتوي والصوف والتريكو واللحاف والجواكت التقيلة والشيلان..كل ما يتعلق بالبرد والناس البردانه...الشتا السنة دي بيهزر..بيفكر ييجي بس لسه مخدش قرار رغم ان نوفمبر بدأ...انا فاكرة ان من كام سنة نوفمبر ده بالنسبة لي كان عز الشتا...السنه دي نوفمبر جه و لسه الشتا مجاش...ساعات بفكريمكن الشتا عارف اني مش حمل حنينه السنة دي...يمكن بيتاخر شوية مستنيني اخد خطوة...ايا كانت الخطوة دي ايه بس مديني فرصتي كاملة اني اختار حد/ حاجة احن لها او يمكن بيديني فرصة اغير موقفي من ناحيته قبل ما ييجي...اكرهه او علي الاقل احبه باعتدال...الغريبة ان الحنين بدأ يملاني فعلا..بحن ليه...للشتا...تعالي بجد بقي!!وحشتني!!اتعالي احسن قلبي بردان..ا
5 comments:
انا جيت اقولك متعمليش حسابي ف تعليق ع البوست ده يا شوشو .. ماشي ؟؟
:*
طيب!!
عموما احنا عارفين ان ده في قايمة الاختلافات من زمان...
:*
أنا بقى مختلف عن آيـة، طبعًا
وأحب أقول لك عادي، اعملي حسابي في التعليق ع التدوينة الحلوة الرااائقة الـ"جوااانية" دي ..
لأنها شفااافة جدًا على بساطتها
وبسيطة جدًا بشفافيتها
وده طبعا شيء بديهي ;)
انك مختلف عن آية يعني:P
في البوست ده..استنشقت عبير نوفمبر..
واتلسعت بلسعة برد نوفمبر..
واستمتعت..(بدفء) المشاعر والكلمات بين السطور :)
Post a Comment