رغم ان آية عرفتني عليها ورغم انها حاولت تشجعني اني اشترك انا كمان...رغم اني كنت عايزة اشترك..ومشتاقه اني اكتب ومشتاقه الاقي الناس حواليا في التعليقات زي ما شفت كده عند الناس اللي اشتركت ...ورغم اني يمكن لو حاولت اعرف اشترك..بس انا حاسه اني مش قد التزام زي ده...رغم اني مش هاخسر حاجة لو اشتركت ومكملتش..مش هاخسر غير اني هاحطها علي قايمة الحاجات اللي تحمستلها ومكملتهاش..القايمة اللي حجمها المتزايد بيوجعني...بس جبني وهروبي بيوجعوني برضه!!ا
2 comments:
اشتركي من غير ما تتحمسي و من غير ما تلزمي نفسك و من غير ما تحسي انه حاجة مهمة بتعمليها ...
اشتكري عشان عايزينك موجودة .. و عشان بيننا من المسافات ما يكفي ...
اقولك
متشتركيش خالص اصلا
بس اكتبي كل يوم
:))
انا مع آية
أنا نفسي لقتني امبارح ماكتبتش بس اول ما دخلت انهاردة كتبت
كتبت عن اللي عملته وأنا جاية
الحكاية بسيطة ومش مستاهلة غير انك تركزي في اللي انتي بتعمليه عشان تكتبيه على المدونة
عملتي ايه انهاردة , قريتي إيه.. فكرتي في ايه
سمعنا صوتك
Post a Comment